Konsertar og arrangement i Kabuso

OVERSIKT OVER ARRANGEMENT HAUST & VINTER 2018

_____________________

- Torsdag 4. oktober kl 19
Trio Vivente
Kom og høyr den tyske trioen som består av damene  Jutta Ernst på piano, Anne Katharina Schreiber på fiolin og Kristin von der Goltz på cello. Dei vil spela si tolking av både Beethoven og Brams i konsertsalen. Kr. 180,-

- Laurdag 6. oktober kl 10.15 - 12.00
Siderakademiet i Kabuso
• KORLEIS LAGA SIDER med Siv Fossåskaret, Gerd Lysen og Spildegarden
• BALHOLM CIDERHUSETt med Åge Eitungjerde
• SIDERSMAKING -sider frå ulike delar av landet, med Ølakademiets Luis Herreros og Ronja Velten kr 100,-

- Laurdag 6. oktober kl 13
Boklansering: "Om Sider"
Forfattar Thomas Horne presenterar boka si "Om Sider" i kafeen i Kabuso.
Nyt gjerne eit glas sider attåt! 

- Laurdag 6. oktober kl 14
Siderfestivalspesial: Snøkvit og dei sju dvergane
Bornas Kabuso kunst- og filmklubb i samarbeid med Siderfestivalen viser klassikaren Snøkvit og dei sju dvergane i konsertsalen i Kabuso. Eventyret om ei truskuldig prinsesse, ei vond stemor og eit giftig eple. Lengd 1 t. 22 min.
Gjestebillett kr 50,- Medlemmar i Bornas Kabuso - gratis 

- Laurdag 6. og søndag 7. oktober kl 11 - 16
Familieverkstad: Epletrykk
Visste du at ein ikkje berre kan eta eple eller laga sider med dei, men at ein og kan laga morosame bilete ved hjelp av eple? Sjå kva du kan få til i epletrykkeverkstaden i Kabuso under Siderfestivalen. Ope verkstad i Kabuso for heile familien. kr. 30,- 

- Skulekonsert: Fredag 19. oktober kl 12
Cinclus Cinclus
Norsk-britisk samarbeid i ei ordlaus jakt på lydar og musikk som barna får ta del i. Konserten blir spelt første gong på årets Vossa Jazz. Dei har allerede hatt ein snikpremiere for ei gruppe SFO-barn som gav dei beste skussmål. Cinclus cinclus er det latinske namnet på fossekall, ein uredd, leiken liten skapning som lyder vakkert og optimistisk...

- Laurdag 20. oktober kl 12 
Bornas Kabuso: Min nabo Totoro
Systrene Satsuki og Mei har flytta inn i eit gamalt hus på landet, med skogen som næraste nabo. Her vert dei kjend med den enorme skogvaktaren Totoro og kattebussen. Lengd 1 t 26 min. Papir og blyantar ligg klare i teiknekroken etter filmen. Medlemsskap i klubben kostar 70 kroner per barn og gjer gratis inngang til alle arrangementa hausten 2018.

- Laurdag 20. oktober kl 18
Erlend Apneseth Trio med Erlend O. Nødtvedt
Erlend Apneseth Trio har saman gitt ut platene "Det andre rommet" (2016)og "Åra" (2017) til strålande kritikkar i både inn- og utland. Med seg som gjest denne kvelden har dei bergenspoeten Erlend O. Nødtvedt, kjent for sine tre diktsamlingar Harudes (2011), Bergens beskrivelse (2013) og Trollsuiten (2014).  Kr. 250,-

- Laurdag 27. oktober kl 13
Kakaokonsert
Kakaokonsertane i konsertsalen er familievennlege arrangement med avslappa og hyggjeleg stemning. I kafeen er det høve til å nyta herleg kakao og heimebaka kaker!  Kr. 50,- 

- Søndag 11. november kl 18
Come Shine
Come Shine er eit av Noregs mest populære jazzband i nyare tid. Alltid med same besetning: pianist og arrangør  Erlend Skomsvoll, vokalist  Live Maria Roggen, bassist  Sondre Meisfjord,  og trommis  Håkon Mjåset Johansen. COME SHINE-konsertar er dirrande, engasjerande og uforutsigbare, og evnar å treffe publikum frå tenåringar til godt vaksne jazzelskarar, midt i magen. Kr. 250,- 

- Laurdag 17. november kl 12   
Bornas Kabuso: Kreativ verkstad
Drop in verkstad mellom kl 12 og 14. Mal med silkepapir. Visste du at ein kan bruke farga papir til å male med. I verkstaden lagar med flotte og fargerike bilete utan måling. Kortfilmar i filmkroken. 
Medlemsskap i klubben kostar 70 kroner per barn og gir gratis inngang til alle arrangementa hausten 2018, med unntak av konserten Labyrinter der de får rabatt.

- Laurdag 17. november kl 14
Labyrinter!
- André Bjerkes rim og reglar. Ein teaterkonsert med Karoline Krüger & fru Nitters Rytmeorkester. "Labyrinter!" er eit fyrverkeri av ei forestilling for barn og ellers alle som elskar André Bjerkes barnedikt. Høver for 5 - 12 år og vaksne i alle aldrar. Meir info kjem!

- Søndag 25. november kl. 15
POP POP - Hyllest til Rickie Lee Jones
Emilie Storaas ein glimrande vokalist, kjem til Kabuso og har med seg ein trekkspel-virtuos og to eminente strengespelarar for å hylla Rickie Lee Jones, her kan det bli vanskeleg å ikkje la seg begeistre.  Kr. 150,- 

- Laurdag 8. desember kl 13
Kakaokonsert
Kakaokonsertane i konsertsalen er familievennlege arrangement med avslappa og hyggjeleg stemning. I kafeen er det høve til å nyta herleg kakao og heimebaka kaker! 
Kr. 50,- 

- Laurdag 15. september kl 12 -14
Bornas Kabuso: Den magiske juleesken
Ein film full av julemagi. Julius bur på barneheimen Klokkerly og er knytt til jula på ein spesielt måte. Styraren Alfred har nemleg fortald han at det var julenissen som kom med han julekvelden for åtte år sidan. Lengd 1 t 15 min. 
Etter filmen lagar me julepynt.  Medlemsskap i Bornas Kabuso - kunst og filmklubb kostar 70 kroner per barn.

- Søndag 16. desember kl 18
Jolakonsert: Den fagraste rosa
Trioen Berit Opheim, Tore Brunborg og Steinar Raknes skal ut på ein jolakonsertturné. Repertoaret er musikk knytt til jola, men det er ikkje dei mest utslitne jolasongane ein får høyra. Samspelet mellom dei tre er av det magiske slaget - det kunne ein høyra på tingingskonserten Hildo på Vossa Jazz i år. Kr. 180,- 

___________________________

 

Logo Stor Transparent

KJØP BILLETTAR HER: https://kabuso.ticketco.no/  - restbillettar i døra. 


Arrangement og billettar blir lagt ut fortløpande
Arrangementa våre vert også lagt ut på Facebook som hendingar

> For kakaokonsertar og barneverkstadar er billettar kun i sal i resepsjonen i Kabuso. 
> Huset opnar 1 time før konsertstart. Det er då høve til å unna seg noko godt i kaféen, no også med sal av øl og vin - eller "snopa" litt i gåvebutikken. 

Flere bilder

  • Vivente014 2 Red
  • Jhm 2218 Red
  • Poppop 02 Red
  • Illustrasjon Total Rgb 01